ସତ କହିବେ

1. ଆପଣଙ୍କ ଗାଁ ରୁ କେତେ ପିଲା ନିଜ ବାପା ମା ସ୍ତ୍ରୀ ପିଲାଙ୍କୁ ଗାଁ ରେ ଛାଡି ନିଜ ପରିବାରର ଭରଣ ପୋଷଣ ପାଇଁ କେରଳ, ସୁରଟ, ହାଇଦରାବାଦ, ଦିଲ୍ଲୀ, ହରିଆନା ଇତ୍ଯାଦି ବାହାର ରାଜ୍ୟରେ କାମ କରୁଛନ୍ତି ?

2. ଆପଣମାନଙ୍କ ଜିଲ୍ଲାରେ ଆଗରୁ ଥିବା କେଉଁ କେଉଁ ଶିଳ୍ପ, କେତେଟା ଶିଳ୍ପ କାରଖାନା ବିଗତ 25 /30 ବର୍ଷ ଭିତରେ ବନ୍ଦ ହୋଇଛି ଏବଂ ସେ ସଂସ୍ଥା ମାନଙ୍କରେ କେତେ ଲୋକ କାମ କରି ପରିବାର ପୋଷୁଥିଲେ ?

3. ବିଗତ 24 ବର୍ଷ ଭିତରେ ଆପଣଙ୍କ ଜିଲ୍ଲାରେ କେଉଁ କେଉଁ ନୁଆ ଶିଳ୍ପ କାରଖାନା ବସିଛି ଓ ସେଠାରେ ଆପଣଙ୍କ ଗାଁ ର କେତେ ଲୋକ କାମ ଦାମ ମୂଲ ମଜୁରୀ କରୁଛନ୍ତି ?

4. ବିଗତ 24 ବର୍ଷ ଭିତରେ ଓଡିଶାର କେତେଟା ଲୁହା ପଥର ବକ୍ସାଇଟ ମାଙ୍ଗାନିଜ ଚୁନପଥର ଇତ୍ଯାଦି ଖଣି ବିକ୍ରି ହୋଇଛି ଓ କେତେ ଜଣ ଓଡିଆ ସେ ଖଣି କିଣିଛନ୍ତି ବା ଲିଜ୍ ନେଇଛନ୍ତି ?

5. ଆପଣଙ୍କ ଗାଁ ସ୍କୁଲରେ କେତେ ଜଣ ଶିକ୍ଷକ ଆବଶ୍ଯକ ଓ ଏବେ କେତେ ଜଣ ଅଛନ୍ତି ?

6. ଆପଣଙ୍କ ଗାଁ ର ସ୍ବୟଂ ସହାୟକ ମହିଳା ଗୋଷ୍ଠିମାନେ କି କି ଦ୍ରବ୍ଯ ଉତ୍ପାଦନ କରି ମାସକୁ କେତେ ଟଙ୍କା ରୋଜଗାର କରୁଛନ୍ତି ?

7. ବିନା ଲାଞ୍ଚରେ ଆପଣଙ୍କ ସରପଞ୍ଚ ଆପଣଙ୍କୁ ସରକାରୀ ଘର, ଠିକା କାମ ଦିଅନ୍ତି କି ? ବିନା ପିସିରେ ଆପଣଙ୍କ ଜେଇ , ବିଡିଓ ଆପଣଙ୍କ ବିଲ୍ ପାସ୍ କରନ୍ତି କି ? ବିନା ଲାଞ୍ଚରେ କୈଣସି ସରକାରୀ ଅଫିସର ଆପଣଙ୍କ କାମ କରିବା କଥା ଆପଣ ଜାଣନ୍ତି କି ?

8. ସଭା ସମିତି କରିବାକୁ , ଦଳୀୟ ରାଲି କରିବାକୁ, ଭୋଟ୍ ଦେବାକୁ ଆପଣଙ୍କ ନିଜ ନିଜ ଦଳର ନେତାମାନେ କେତେ ଟଙ୍କା ଲେଖାଏ ଦିଅନ୍ତି ଓ ସେ ଟଙ୍କା ସେମାନେ କେଉଁଠୁ ଆଣନ୍ତି ?

9. ଆପଣଙ୍କ ବିଧାୟକଙ୍କୁ, ଆପଣମାନଙ୍କୁ ସରକାରୀ ଅଫିସର, ବିଭାଗୀୟ ସଚିବମାନେ ନମସ୍କାର କରନ୍ତି ନା ଆପଣଙ୍କ ବିଧାୟକମାନେ ଅଫିସରମାନଙ୍କୁ ନମସ୍କାର କରନ୍ତି ?

10. ଆପଣମାନେ କେବଳ ମତଦାତା ବା ଗଣତନ୍ତ୍ରର ମାଲିକ ହୋଇ ରହିବାକୁ ପସନ୍ଦ କରନ୍ତି ନା କୈଣସି ଦଳର ଦଳୀୟ କର୍ମୀ ହେବାକୁ ଅଧିକ ପସନ୍ଦ କରନ୍ତି ?

ବେଶୀ ନହେଲା ନାହିଁ, ମାତ୍ର ଏଇ 10 ଟି ପ୍ରଶ୍ନର ଉତ୍ତର ଖୋଜନ୍ତୁ

ଏ ଉତ୍ତର କାହାକୁ ଦେବା ଆବଶ୍ୟକ ନାହିଁ, କେବଳ ନିଜ ମନକୁ ଏ ସବୁ ପ୍ରଶ୍ନ ପଚାରନ୍ତୁ ଏବଂ ନିଜ ବିବେକକୁ ଏହାର ଉତ୍ତର ଦିଅନ୍ତୁ

Laxmidhar Nayak
My Facebook Post: 5th September 2023