27th March 2023

ମୁଁ ଫେସବୁକରେ କୋଉଠି ଗୋଟେ ଲେଖା ପଢିଥିଲି, ସେ ଲେଖାଟା କାଇଁ ଆଉ ଦିଶୁନି

ସେଥିରେ ଲେଖା ଯାଇଥିଲା ଯେ –

ଶ୍ରୀକୃଷ୍ଣ ମାତ୍ର 6 ଜଣ ଲୋକଙ୍କୁ ନମସ୍କାର କରନ୍ତି ବା ନମସ୍କାର କରିବାକୁ ଭଲ ପାଆନ୍ତି

1. ଅନ୍ନଦାତା
2. ପତିବ୍ରତା

3. ସହସ୍ର ପୂର୍ଣ୍ଣ ଚନ୍ଦ୍ର ଦର୍ଶୀ
4. ତିରିଶି ଉପବାସୀ

ଆଉ ଦୁଇଟା କଣ ଠିକ୍ ମନେପଡୁନି,
ସେ ଲେଖାଟା ବି କାଇଁ ଆଉ ଫେସବୁକ୍ ଦେଖୋଉନି

ଆଉ ଦୁଇଟା ବୋଧେ

5. ବେଦାନ୍ତୀ
6. ନିତ୍ୟ ଅଗ୍ନିହୋତ୍ରୀ

ଅନ୍ନଦାତା ବୋଇଲେ ପିତାମାତାଙ୍କୁ ବୁଝାଏ ।

ସହସ୍ର ପୂର୍ଣ୍ଣଚନ୍ଦ୍ରଦର୍ଶୀ ମାନେ ବୟସ୍କ ବ୍ୟକ୍ତି,
84 ବର୍ଷ କିମ୍ୱା ତଦୁର୍ଦ୍ଧ୍ବ ବୟସର ବ୍ୟକ୍ତି ,
ବର୍ଷକୁ 12 ଟା ପୁନେଇଁ ଜହ୍ନ ଦେଖିବା ହିସାବରେ ହିସାବ କଲେ

ତିରିଶି ଉପବାସୀ ମାନେ ବର୍ଷକୁ 30 ଦିନ ଉପବାସ କରୁଥିବା ବ୍ୟକ୍ତି ,
12 ×2 = 24 ଟା ଏକାଦଶୀ
ଏହା ସହିତ 6 ଟି ଜନ୍ମଜୟନ୍ତୀ ,

ଯେମିତିକି ଶ୍ରୀରାମ ଜନ୍ମଜୟନ୍ତୀ – ରାମ ନବମୀ
ଦୁର୍ଗା ଜନ୍ମ ଜୟନ୍ତୀ – ଦୁର୍ଗାଷ୍ଟମୀ
ଶ୍ରୀକୃଷ୍ଣ ଜନ୍ମ ଜୟନ୍ତୀ – ଜନ୍ମାଷ୍ଟମୀ ଇତ୍ୟାଦି

ଆଚ୍ଛା ଆଜ୍ଞାମାନେ ସତ କହିବେ
ବର୍ଷକୁ ତ ବାର ଥର ପୂର୍ଣ୍ଣଚନ୍ଦ୍ର ଉଦୟ ହେଉଛନ୍ତି

ଆପଣମାନେ ସେଥିରୁ କେତୋଟି ପୁନେଇଁ ଜହ୍ନ ବା ପୂର୍ଣ୍ଣ ଚନ୍ଦ୍ର ସତରେ ଦେଖିଛନ୍ତି ?

ଏଇଥିରୁ ଜଣା ପଡିଯିବ ଯେ ଆନନ୍ଦକୁ ଗୋଡରେ ଆଡେଇ ଜୀବନଟାକୁ ଜୀବନସାରା ବୋଝକରି ମୁଣ୍ଡେଇ ମୁଣ୍ଡେଇ କି କି ଲାଭ ମିଳିଲା

ସରମ ନକରି ସତ କହିବେ ଆଜ୍ଞା ,
ଆପଣମାନଙ୍କୁ ସେ ପୁନେଇଁ ଜହ୍ନରାଣ ,
ନିଶ୍ଚୟ ଉତ୍ତର ଦେବେ ଓ ସତ ଉତ୍ତର ଦେବେ ।

ଆପଣମାନେ ଯଦି ଚାହୁଁଥିବେ କି ମୁଁ ଆଗ ସେ ପ୍ରଶ୍ନର ଉତ୍ତର ତ ଦିଏ, ତାହେଲେ ମୁଁ ମଧ୍ୟ ଉତ୍ତର ଦେଇ ପାରିବି ଯେ,
ହେଲେ ଆପଣମାନଙ୍କୁ ମିଛ ଉତ୍ତର ଦେଇ ପାରିବି କି ?

କିନ୍ତୁ ସତ ଉତ୍ତର ଦେଲେ ଆପଣମାନେ କେତେ ବିଶ୍ୱାସ କରିବେ କଣ ଭାବିବେ କଣ ବୁଝିବେ କେତେ ବୁଝିବେ କିଏ କହିବ !
ହା ହା ହା

ତଥାପି କହୁଛି –
ସତ କହିବାକୁ ଗଲେ ମୁଁ 9,855 ପୂର୍ଣ୍ଣ ଚନ୍ଦ୍ର ଦେଖିଛି ।
ଈଶ୍ୱରଙ୍କ କୃପାରୁ ମୁଁ ଘର ଭିତରେ ଥାଇ ବି ଏ ପୂର୍ଣ୍ଣଚନ୍ଦ୍ରମାର ଦର୍ଶନ ଓ ଜ୍ୟୋତ୍ସ୍ନାବିଧୌତ ଆନନ୍ଦ ଅନୁଭବ କରିପାରେ ଓ କରିଛି।

ସେଇଟା ମୋ ପ୍ରତି ମୋ ବାପା ମାଆଙ୍କ ଆଶୀର୍ବାଦ ଓ ଈଶ୍ବରଙ୍କ ବିଶେଷ କୃପା ନିଧାନ କି କଣ ! ଧନ୍ଯ ସେ ଈଶ୍ୱର !!

27 ବର୍ଷ × 365 ଦିନ = 9,855 ହେଲା କି ନାହିଁ ଟିକେ ହିସାବ କରି ଦେଖିଲେ, କାଳେ ହିସାବ ଭୁଲ୍ ଭାଲ୍ ହେଇଯାଇଥିବ ( ଆମ ମାଡାମ ତାଙ୍କ ବାପାଙ୍କ ପାଖରେ ତାଙ୍କ ପରିବାର ସହ ତାଙ୍କ ଗାଆଁରେ ପୂର୍ଣ୍ଣିମା ଜହ୍ନ ପରି ଉଦୟ ହୋଇଥିଲେ 27 ବର୍ଷ ଓ ତା ପରେ ଆମ ବାପାଙ୍କ ପାଖରେ ଆମ ପରିବାରରେ ଉଦିଆ ଜହ୍ନ ପରି ଆଉ 27 ବର୍ଷ ଉଦୟ ହୋଇ ଆମ ମାନଙ୍କୁ ଗୋଟେ ଶୋକ ସାଗର କୂଳରେ ଛାଡି ଦେଇ ଆମ ମାନଙ୍କଠାରୁ ଅସ୍ତମିତ ହୋଇଗଲେ 2021 ମେ 29 ତାରିଖରେ )

ଶ୍ରୀକୃଷ୍ଣ କହିଲେ ଯିଏ ହଜାରେ ପୂର୍ଣ୍ଣଚନ୍ଦ୍ର ଦର୍ଶନ କରିଥିବେ ସେ ତାଙ୍କୁ ନମସ୍କାର କରନ୍ତି , ମୋର ତ 9855 + ହେଲାଣି

ସେଥିପାଇଁ ମୁଁ ଆମ ଶ୍ରୀକୃଷ୍ଣଙ୍କୁ ଆପଣମାନଙ୍କ ଭଳିଆ ଡରି ଥରି କି ଭଗବାନ ବୋଲି ମାନେନି, ସିଏ ତାର ଭଗବାନ ହେଲେ ହେଇଥାଉ କି ତା ଠାରୁ ବି ବଡ ଲୋକ ହେଇଥାଉ, ମୋର ସେ ହିସାବରେ ମତଲବ୍ କଣ ?

ମୋ ଭଲପାଇବାରେ ତ ଧୂଳିମଳି ନାହିଁ, ଗାଳିରେ କାର୍ପଣ୍ୟତା କୋଉଠୁ ଆସିବ ଆଜ୍ଞା ?

ମୋ କଥା ଛାଡନ୍ତୁ, ସେଗୁଡା ବୁଝିବାରେ ସମୟ ନଷ୍ଟ ନକରି ଆପଣମାନେ କୁହନ୍ତୁ ସତରେ ଆପଣମାନେ ବର୍ଷକୁ କେତୋଟି ପୂର୍ଣ୍ଣଚନ୍ଦ୍ରର ଦର୍ଶନ ଓ ସେ ପୁନେଇଁ ରାତିର ଜହ୍ନ ଆଲୁଅରେ ଭିଜିବାର ଆନନ୍ଦ ଉପଭୋଗ କରି ପାରୁଛନ୍ତି ?

ସତ କହିବେ ଓ ନିଶ୍ଚୟ ଉତ୍ତର ରଖିବାର ସାହସ ପ୍ରଦର୍ଶନ କରିବେ ବୋଲି ଆଶା କରିବି ।

ନମସ୍କାର

ମୋ ରାଣ ତୁମକୁ….

ମନକଥା କହିଥିଲି ଗୋପନେ ମୁଁ ଜହ୍ନ କୁ
ଜହ୍ନ ଟା ତ କହିଦେଲା ସରଗର ତାରାଂକୁ

ଫଗୁଣ ପବନ ତାକୁ କାନ ଡେରି ଶୁଣିଲା
ରାତି ନପାହୁଣୁ ହେଲା ଚାରିଆଡେ ହାଲ୍ଲା

ମତେ ରାଗ ଲାଗେ ଏଣୁ
ଭରା ଫଗୁଣକୁ
ଚୋରା ମଳୟକୁ ଆଉ
ପୁନେଇଁ ଜହ୍ନକୁ ……।।

ଜହ୍ନଟା ଈର୍ଷା କରୁଚି ଦେଖି ମୋ ରୂପକୁ
ପବନ ପାରୁନି ସହି ମୋର ପ୍ରଶଂସାକୁ

ହେ ପ୍ରିୟ ! ମୋ ମୀନତି ନିଶ୍ଚୟ ଶୁଣିବ
ଏ ଚିଠିକୁ ମନଦେଇ ଥରୁଟେ ପଢିବ

ମୋ ଚିଠି ପାଇଲାପରେ
ଚାହିଁବନି ଜମା ତୁମେ ପୁନେଇଁ ଜହ୍ନକୁ
ମୋ ରାଣ ତୁମକୁ …..।।

– ଲକ୍ଷ୍ମୀଧର ନାୟକ
24th July 2018