______ମା ରାଣ ଢ଼ିଙ୍କି ଗିଳି_____

ପ୍ରତ୍ୟେକ ବାପମା ଚାହୁଁଛନ୍ତି ତାଙ୍କର ତାଙ୍କର ପୁଅଝିଅ ଗୋଟେ Doctor/Engineer ହୁଅନ୍ତୁ। କିନ୍ତୁ ପିଲା କଣ ଛାହୁଁଛି ସେଥିରେ ତାଙ୍କର ଯାଏଆସେ ନାହିଁ। ମୋ ପୁଅ Doctor/Engineer ହେବା ଦରକାର। କେବେ ପିଲାର ମାନସିକତା study କରୁନାହାଁନ୍ତି। ପିଲାଟିର ଇଛା ବିରୁଦ୍ଧରେ ଯାଇ ଶେଷରେ ପିଲାଟି ଯେତେବେଳେ ଅକୃତକାର୍ଯ୍ୟ ହୋଇ ପଡେ ଓ ଶେଷରେ ପିଲାଟି ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଦିଏ, ସେତେବେଳେ ସବୁ ଓଲଟ ପାଲଟ ହୋଇ ଯାଇଥାଏ। ତେବେ ସେ ବିଷୟରେ କିଛି ଅଳ୍ପକେ ଆଲୋଚନା କରିବା।

ବାପଟି ତା ପୁଅକୁ Doctor କରିବାକୁ ଚାହୁଁଥିଲା ହେଲେ ପୁଅଟି ତାର ଏତେ ମେଧାବୀ ନଥିଲା। କିନ୍ତୁ ବାପା ସବୁ ଜମିବାଡ଼ି ଅଳଙ୍କାର ବ୍ୟାଙ୍କ୍ ରେ ବନ୍ଧା ପକାଇ ତିରିଶି ଲକ୍ଷ ଟଙ୍କା ଯୋଗାଡ କରି ବିଦେଶରେ ଡାକ୍ତରୀ ପଢ଼ାଇଲା। କିନ୍ତୁ ପୁଅର ଦକ୍ଷତା କମ୍ ଥିଲା ଏ ପାଠକୁ ବୁଝିବାକୁ। ଶେଷରେ ସେ ସବୁ subjectରେ fail ହେବାକୁ ଲାଗିଲା।
ନିଜ ପୁଅ କୁ ଡାକ୍ତର କରିବାର ମହତ୍ୱପୂର୍ଣ୍ଣ ଆଶା ନେଇ ମାବାପ ନିଜର ସ୍ବପ୍ନକୁ ସାକାର କରିବା ପାଇଁ ନିଜର ପୁଅ ଉପରେ ବୋଝ ଲଦି ଦେଲେ। କେବେ ବି ଥରେ ପୁଅକୁ ପଚାରିଲେ ନାହିଁ ପୁଅ କଣ ଚାହୁଁଛି।

For example—-ଜଙ୍ଗଲରେ ସବୁ ପଶୁମାନଙ୍କୁ ଏକତ୍ର କରାଇ ସମସ୍ତଙ୍କର ପରୀକ୍ଷା ନିଆଗଲା। ଗଛ ଉପରେ ଚଢିବା ଦେଖାଯିବ। ଯିଏ ଗଛ ଉପରେ ଜଲ୍ଦି ଚଢିପାରିବ ସେ ସେହି ଅନୁସାରେ ranking ବାହାର କରାଯିବ।କିନ୍ତୁ ଶିକ୍ଷା ବ୍ୟବସ୍ଥା ଭୁଲି ଯାଉଛି ଯେ ବିଚରା ହାତୀର ପିଲାଟି fail ହୋଇଯିବ ଓ ମାଙ୍କଡ଼ର ପିଲାଟି first ହୋଇଯିବ।

ଏବେ ଜଙ୍ଗଲରେ ପୁରା ପ୍ରଚାର କରାଗଲା ଯେ ଯିଏ ଜଲ୍ଦି ଗଛ ଚଢିପାରିବ ସେ କୃତକାର୍ଯ୍ୟ ହେବ ଓ ବାକି ସଭିଙ୍କର ଜୀବନ ବ୍ୟର୍ଥ

ଏଥିପାଇଁ ସବୁ ପଶୁମାନଙ୍କର ପିଲା ଯିଏକି ତତ୍କ୍ଷଣାତ ଗଛ ଉପରକୁ ଚଢିପାରୁନାହାନ୍ତି, ସେମାନଙ୍କ ପାଇଁ couching institute ସବୁ ଖୋଲିଗଲା, ଯେଉଁ ଥିରେ ଗଛ ଚଢ଼ିବାପାଇଁ ଶିକ୍ଷା ଦିଆଗଲା। ତେଣୁ ହାତୀ,ସିଂହ, ବାଘ, ଜିରାଫ,ମଇଁଷି, ସମୁଦ୍ର ର ଯେତେକ ମାଛ ସବୁ ଚାଲିଲେ couching institute ଆଡକୁ। ଏହା ଭାବିକି ଯେ……ଆମର ପିଲା ଗଛ ଉପରେ ଚଢ଼ିବ ଓ ଆମର ନାଁ ରଖିବ।

ହାତୀ ଘରେ ପୁଅଟିଏ ହେଲା ସେ କୋଳରେ ପିଲାଟିକୁ ନେଉ ନେଉ କହିପକେଇଲା ମୋ ଜୀବନରେ ଗୋଟିଏ ଲକ୍ଷ୍ୟ କି ମୋ ପୁଅ ଗଛ ଚଢ଼ିବ ଏବଂ ଯେବେ ପୁଅ ଗଛ ଚଢି ନପାରିଲା। ହାତୀର ପରିବାର ଆତ୍ମହତ୍ୟା କରିଦେଲା।

ଏଣୁ ନିଜ ପିଲାଙ୍କୁ ଭଲ ଭାବରେ ପରଖନ୍ତୁ ସେ କଣ ହାତୀ,ସିଂହ, କିମ୍ୱା ବାଘ, ଜିରାଫ, ଓଟ, କି ମାଛ, କିମ୍ବା ମୟୁର କିମ୍ୱା କୋଇଲି। ସେ ସାମାନ୍ୟ ପିଂପୁଡ଼ି ଟିଏ ବି ହୋଇ ପାରେ।

ଯଦି ଆପଣଙ୍କ ପିଲାଟି ଏକ ସାମାନ୍ୟ ପିଂପୁଡ଼ି,ତେବେ ନିରାଶ ହୁଅନ୍ତୁନି। ପିଂପୁଡ଼ି ପୃଥିବୀର ସବୁଠାରୁ ପରିଶ୍ରମୀ ଜୀବ ଅଟେ।ନିଜର ଓଜନ ତୁଳନାରେ ସେ ଏକ ହଜାର ଗୁଣ ଓଜନ ଉଠାଇ ପାରେ ନିଜର ପରିଶ୍ରମ ଦ୍ବାରା।

ଏଣୁ ନିଜର ପିଲାର କ୍ଷମତା ଅନୁସାରେ ତାକୁ ଆଗେ ଯିବାକୁ ଦିଅନ୍ତୁ। ତାକୁ ଉସ୍ଛାହିତ କରନ୍ତୁ।ପିଲାଟି କଣ ଚାହୁଁଛି ତାକୁ କରିବାକୁ ଦିଅନ୍ତୁ। ତାର ମନୋବଳକୁ ଆଘାତ ଦିଅନ୍ତୁ ନାହିଁ। ତାକୁ ତାର କ୍ଷମତା ଅନୁଯାଇ ଆଗେ ଯିବାକୁ ଦିଅନ୍ତୁ।ଜବରଦସ୍ତି ତା ଉପରେ ବୋଝ ଲଦନ୍ତୁ ନାହିଁ ନିଜର ମହତ୍ତ୍ୱ ଆକାଂକ୍ଷା ପାଇଁ। ଦେଖିବେ ସେ ପିଲା ଆପଣଙ୍କର ନାଁ ରଖିବ।

ସଞ୍ଜୟ ନାୟକ,
ବିରଜାକ୍ଷେତ୍ର
ଯାଜପୁର