ଦୁନିଆ ଜାଣିଛି
କଇଁଫୁଲ ଫୁଟେ
ଜହ୍ନ ଉଇଁଲେ ଯାଇ

ଦୁନିଆ ଦେଖିଛି
ହସେ କୁମୁଦିନୀ
ଚନ୍ଦ୍ରମା ମୁଖ ଚାହିଁ

ଜାଣେ କି ଦୁନିଆ
ଚନ୍ଦ୍ରମା କେବେ
ଯାଇଛି କଇଁକୁ ଛୁଇଁ ?

ହେଲେ ଯୁଗ ଯୁଗପାଇଁ
ଚନ୍ଦ୍ରକୁ ଚାହିଁଛି
ମିଳନ ପିୟାସୀ କଇଁ

ମନେପଡେ ଆଜି
ଜୋଛନାରେ ଭିଜି
ସାରା ରାତି ଚେଇଁ ଚେଇଁ
ପାରିଜାତ ଦେବି
ତାରା ତୋଳିଦେବି
କେତେ କଥା ଗଲ କହି

ଜ୍ଯୋତ୍ସ୍ନାର ଧାରା
ଜହ୍ନେ ମିଶିଗଲ
ଝୁରୁଛି ବିରହୀ କଇଁ

ଛୁଅଁ କି ନ ଛୁଅଁ
କରୁଛି ଶପଥ
ଫୁଟୁଥିବି ନିତି
ତୁମପାଇଁ ତୁମପାଇଁ

– ଲକ୍ଷ୍ମୀଧର ନାୟକ
My Facebook Post: 30th July 2024