ଅଳପ ଖବର
4th September 2024

ନାମ୍ବିଆରେ ପଡ଼ିଛି ଭୟଙ୍କର ମରୁଡ଼ି

ହାତୀ, ଜେବ୍ରା, ଜଳହସ୍ତୀ, ହରିଣ ଭଳି ଜୀବଙ୍କୁ ମାରି ଭୋକରେ ଥିବା ଦେଶବାସୀଙ୍କୁ ଦେବେ ନାମ୍ବିଆ ସରକାର

ଭୋକିଲାଙ୍କୁ ଦିଆଯିବ ପଶୁ ମାଂସ । ମରାଯିବ ୭୦୦ ହାତୀ ଓ ଅନ୍ଯାନ୍ଯ ପଶୁ । ହାତୀ, ଜେବ୍ରା, ଜଳହସ୍ତୀ, ହରିଣ ଭଳି ଜୀବଙ୍କୁ ମାରି ଭୋକରେ ଥିବା ଦେଶବାସୀଙ୍କୁ ଦେବେ ନାମ୍ବିଆ ସରକାର ।

ଦକ୍ଷିଣ ଆଫ୍ରିକୀୟ ଦେଶ ନାମ୍ବିଆରେ ପଡ଼ିଛି ଭୟଙ୍କର ମରୁଡ଼ି। ଖାଇବାକୁ ପାଉନାହାନ୍ତି ଦେଶର ପାଖାପାଖି ୧୪ ଲକ୍ଷ ଲୋକ ।

ଗୁରୁତର ଖାଦ୍ୟ ସଙ୍କଟ ତଥା ମଣିଷ ଭୋକର ସମସ୍ୟା ଦୂର କରିବାକୁ ଜଙ୍ଗଲୀ ଜୀବମାନଙ୍କୁ ମାରି ଲୋକଙ୍କ ମଧ୍ୟରେ ବାଣ୍ଟିବାକୁ ସେଠାକାର ସରକାର ନିଷ୍ପତ୍ତି ନେଇଛନ୍ତି ।

ନାମ୍ବିଆ ଜଙ୍ଗଲ ଓ ପରିବେଶ ମନ୍ତ୍ରାଳୟର ମତ ହେଉଛି, ଦେଶର ଜଙ୍ଗଲୀ ପ୍ରାଣୀ ଓ ପ୍ରାକୃତିକ ସମ୍ପଦ ନାମ୍ବିଆ ନାଗରିକଙ୍କ ପାଇଁ ବ୍ୟବହାରଯୋଗ୍ୟ ।

ଆଫ୍ରିକାରେ ଥିବା ଜାତିସଂଘ ପରିବେଶ କାର୍ଯ୍ୟକ୍ରମ କାର୍ଯ୍ୟାଳୟ ତରଫରୁ କୁହାଯାଇଛି ଯେ, ନିରନ୍ତର ସୁସ୍ଥ ଜଙ୍ଗଲୀ ଜୀବ ସଂଖ୍ୟା ବୃଦ୍ଧି କରି ଖାଦ୍ୟ ପାଇଁ ବ୍ୟବହାର କରାଯାଇପାରିବ ।

R- କେଦାର ପୃଷ୍ଟି