ଜଣା ପଡିଲା ନାହିଁ

କିପରି କଟିଲା ୨୧ ରୁ ୬୦
ପର୍ଯ୍ୟନ୍ତ ଇଏ ଯାତ୍ରା
କିଛି ଜଣା ପଡିଲା ନାହିଁ।
କ’ଣ ପାଇଲି, କ’ଣ ହଜେଇଲି
କ’ଣ ହରେଇଲି
କିଛି ଜଣା ପଡିଲା ନାହିଁ।

ପିଲାଦିନ ବିତି ଗଲା
ଯୌବନ ବି ଚାଲିଗଲା
କେବେ ବୁଢା ହେଲି
କିଛି ଜଣା ପଡିଲା ନାହିଁ।

କାଲି ପୁଅ ଥିଲି
କେବେ ଶଶୁର ହୋଇ ଗଲି
କିଛି ଜଣା ପଡିଲା ନାହିଁ।

ପ୍ରଥମେ ମାବାପା ଙ୍କ
ଆଦେଶ ଚାଲୁଥିଲା
ପରେ ସ୍ତ୍ରୀ ର ଆଦେଶ
ତା’ପରେ ପିଲାମାନଙ୍କର….
ନିଜର କେବେ ଚାଲିଲା
କିଛି ଜଣା ପଡିଲା ନାହିଁ।

ସ୍ତ୍ରୀ କୁହେ ଏବେ ତ ବୁଝି ଯାଅ
କ’ଣ ବୁଝିବି
କ’ଣ ନ ବୁଝିବି
ଜାଣେନା କାହିଁକି
କିଛି ଜଣା ପଡିଲା ନାହିଁ।

ଝଡ଼ିଗଲା ବାଳ
ଗାଲ ଓଳି ପଡିଲା
ଚଷମା ଲାଗିଗଲା
ଇଏ ଚେହେରା
କେବେ ବଦଳି ଗଲା
କିଛି ଜଣା ପଡିଲା ନାହିଁ।

ସମୟ ବଦଳିଲା
ମୁଁ ବଦଳିଲି
ବଦଳି ଗଲେ ସାଙ୍ଗସାଥି ବି
କେତେ ସାଙ୍ଗ ହଜିଗଲେ
କେତେ ସାଙ୍ଗ ରହି ଗଲେ
କିଛି ଜଣା ପଡିଲା ନାହିଁ।

କାଲି ପର୍ଯ୍ୟନ୍ତ କେତେ ମଜା
କରୁଥିଲି ସାଙ୍ଗଙ୍କ ସହିତ
କେବେ ସିନିୟର ସିଟିଜେନ୍ ହୋଇ ଗଲି
କିଛି ଜଣା ପଡିଲା ନାହିଁ।

ବୋହୁ, ଜ୍ୱାଇଁ, ନାତି, ନାତୁଣୀ
କେତେ ଖୁସି ଆସିଲା
କେବେ ଏ ଜୀବନ
ଦୁଃଖ ଓ ଉଦାସୀରେ
ଛାଇଗଲା
କିଛି ଜଣା ପଡିଲା ନାହିଁ।

ସଞ୍ଜୟ ନାୟକ
ଯାଜପୁର