୨. କୁମ୍ଭବୁଡା ଗୀତ

ଆହେ ଫଗୁଣ ମାସରେ ଦୋଳ ଗୋବିନ୍ଦ
ସବୁ ଗୋପାଳଂକ ମନ ଆନନ୍ଦ ।

ନୂଆ ଶିକାକୁ ଯେ ନୂଆ କଳସୀ
ତହିଁ ଆମ୍ୱ ଡାଳ ସୁନ୍ଦର ଦିଶି ।

ଡାକ ହାକ ହୋଇ ହେଲେ ବାହାର
କାନ୍ଧରେ ବହିଲେ କଳସୀ ଭାର ।

ତୁରିତେ ମିଳିଲେ ଯମୁନା କୁଳେ
ଭାର ଓହ୍ଲାଇଣ ପ୍ରତିଷ୍ଠା କଲେ ।

ବାମ କରୁ କୁମ୍ଭ ଗୋଟିଏ ନେଲେ
ପୂର୍ବ ମୁଖ ହୋଇ ଜଳେ ବୁଡିଲେ ।

ଦକ୍ଷିଣ କୁମ୍ଭକୁ ଜଳେ ବୁଡାଇ
କୁମ୍ଭେ ଆମ୍ୱ ଡାଳ ଯତନେ ଦେଇ ।

ହରି ହରି ବୋଲି ଚଳି ଅଇଲେ
ଦ୍ୱାରେ ଗୋପାଳୁଣି ଜଗିଣ ଥିଲେ ।

ହେଂସ ପକାଇଲେ ଖୁଆ ପକାଇ
ଦୀପ ଲଗାଇଲେ ଦୁଧ ବନ୍ଦାଇ ।

ବନ୍ଦାପନା କରି ଘରକୁ ନେଲେ
ଗମ୍ଭୀରି କୋଣରେ ନେଇ ରଖିଣ ଦେଲେ ।

ସୁବାସ ଚନ୍ଦନ କୁମ୍ଭରେ ଦେଇ
ପୂଜା କରନ୍ତି ସର୍ବ ଗୋପ ଗୋଇ ।

କୁମ୍ଭବୁଡା ଗୀତ ହୋଇଲା ଶେଷ
ଭାବରେ ଭଣିଲେ ଅଚ୍ଯୁତ ଦାସ ।

( ଦୋଳପୂର୍ଣ୍ଣିମା ବା ବସନ୍ତ ଉତ୍ସବ ଅବସରରେ ପ୍ରକୃତିପ୍ରେମୀ ଗୋପାଳମାନେ ଅତିଆନନ୍ଦ ଓ ଉଲ୍ଲାସରେ ଗାଉଥିବା ଓଗାଳ )